TNT Tropang Giga wagi laban sa Magnolia sa PBA Cup

ni Angelou Gaon

MAYNILA — Tinapos na ng TNT Tropang Giga ang anim na taon nilang pagkauhaw sa korona.

Pinabagsak ng Tropang Giga ang Magnolia Hotshots, 94-79, sa Game Five ng PBA Finals para pagharian ang 2021 Phi­lippine Cup kahapon sa Don Honorio Ventura State University Gym sa Bacolor, Pampanga.

Nagpaulan si rookie guard Mikey Williams ng 24 points, 4 assists at 4 rebounds para sa 4-1 pagdispatsa ng TNT sa Magnolia sa best-of-seven title series nila.

“It’s been a long journey but I’m very very proud with the guys,” ani Head Coach Chot Reyes.

Nakamit ng Tropang Giga ang kanilang pang-walong PBA crown matapos noong 2015 Commissioner’s Cup na kinabilangan nina Jayson Castro, Kelly Williams at Ryan Reyes.

Nag-ambag si RR Pogoy ng 19 points at may 10 markers naman si Castro.

“I feel like this a surreal moment for all of us. The whole season is really challenging for everybody,” wika ni Williams.

Si Mikey Williams ang number 4 overall pick ng 2021 PBA Rookie Draft, na hinirang na Honda-PBA Press Corps Finals MVP.

Isang 17-6 atake ang ginawa ng PLDT franchise sa second quarter para kunin ang 38-20 abante na pinalabo sa 23-point lead, 45-22, sa huling 2:29 minuto ng halftime bago ito napababa ng Magnolia sa 59-73 agwat sa pagsisimula ng final canto.

Ngunit hindi nag padaig, at sa halip nag tulong - tulong sina Williams, Pogoy at Reyes para muling ilayo ang Tropang Giga sa 94-75 sa nalalabing 2:15 minuto ng laban.